Il CRE in Radio 2025
In struc
“ll CRE in Radio” e je une trasmission in cinc pontadis dulà che i fruts dai centris estîfs comunâi di Udin a àn fat di protagoniscj… e di professioniscj!
Armâts di regjistradôr e di cuader, a àn provât il mistîr dal gjornalist radiofonic intervistant i lôr compagns e fasint dôs inchiestis. La prime su lis lenghis feveladis tes fameis di partignince, e une altre su lis capacitâts manuâls e i mistîrs dai artesans.
Un program par cure di Caterina Giau e di Margherita Cogoi, in colaborazion cul comun di Udin, Aracon Cooperativa sociale onlus e Il Mosaico Consorzio di Cooperative Sociali.