Par dâ une man

A son diviersis lis manieris che si pues dâ une man ae cooperative Informazione Friulana e a Radio Onde Furlane.

  • Al è cui che al partecipe aes ativitâts de Radio come colaboradôr volontari. Al è il câs, par esempli, dai condutôrs dai programs musicâi de nestre emitente.

  • Al è cui che, une volte ad an o cuant che al rive, al fâs une donazion direte. Se o vês voie di fâlu o podês doprâ il cont IT 86 S 03069 12307 074004302606 e meti come causâl «par Radio Onde Furlane».

  • Al è cui che al da une man come soci de Associazion «Lenghis dal Drâc», il grup che al ten dongje i amîs di Onde Furlane e che al inmanee iniziativis di varie nature par sostignîle. Se us interesse o podês contatâju a cheste direzion di pueste eletroniche: lenghisdaldrac@gmail.com.

  • Cun di plui, simpri par mieç de Associazion, si pues ancje donâ il 5x1000. Par fâlu baste meti il codiç 02650850304 cuant che si compile la declarazion dai redits.

  • Si pues dâ une man ancje dome cul scoltâ e fâ scoltâ Onde Furlane, cul stâi daûr su Facebook o su chei altris canâi sociâi, cul promovile tra amîs e cognossints. Cun di fat, par nô, la poie e la vicinance de int e reste la robe plui impuartante!